Një familje me katër anëtarë në Shqipëri shpenzon 92 mijë lekë në muaj (780 euro). Nga këto, 40% të totalit i harxhon vetëm për ushqime.
Kostoja e jetesës për një familje me katër anëtarë në Shqipëri është rritur vitin e kaluar. INSTAT raporton se shpenzimet arritën mesatarisht 92 mijë lekë në muaj (780 euro), ose 4% më shumë se në vitin 2022.
Pjesa më e madhe e tyre sërish shkoi për ushqime, për të cilat mesatarisht në një muaj familjet harxhuan 36 mijë lekë(306 euro). Produktet ushqimore që kushtuan më shtrenjtë ishin mishi dhe nënproduktet e tij, buka, si edhe perimet.
Nga ana tjetër, për faturat e ujit dhe energjisë, shpenzimet në rang vendi ishin 8,900 lekë (75 euro).
Në ndryshim nga viti 2022, vitin e kaluar familjet rritën shpenzimet për higjienë personale, trajtime estetike dhe për shërbime parukerie. Po ashtu, më shumë u shpenzua edhe për pije alkoolike, për mobilim banesash dhe për blerje pajisjesh për gatim.
Tri janë qarqet ku një familje me katër anëtarë shpenzon më shumë. Lista kryesohet nga Tirana, e cila është qarku i vetëm mbi mesataren, ndjekur nga Korça dhe Durrësi.
Ndërsa Kukësi dhe Dibra vijojnë të mbeten qarqet ku shpenzimet mesatare mujore për konsum janë më të ulëta. /euronews.al
Përmbytjet në Bosnje, Begaj solidarizohet me qytetarët e pre...
Një nga telefonat më të pritur të vitit po vjen më herët nga...
Efekti “Dunning-Kruger”: Pse ndonjëherë njerëzit me më pak n...
Dy shenjat e horoskopit që e marrin shumë për bazë mendimin ...
Zelensky viziton trupat ukrainase në kufi me rajonin rus
Më 30 tetor, Këshilli i Sigurimit së OKB-së debaton për Koso...