Google ADS

Rrëzohen shtyllat e tensionit të lartë në aksin rrugor Korçë-Bilisht

10:52 | 28 Shkurt 2022
Fjolla Bajraktari

Prej ditësh, disa zona urbane dhe dhjetra fshatra në juglindje janë pa energji elektrike. Përgjatë aksit nacional Korçë-Kapshticë era e fortë ka rrëzuar shtyllat e tensionit të lartë duke lënë në errësirë qytetin e Bilishtit dhe shumë fshatra të Bashkisë së Devollit, raporton gazetarja e Klan News, Daniela Zisi.

Pa energji janë prej tre ditësh edhe mbi 30 fshatra të Bashkisë së Maliqit dhe 11 fshatra të zonave malore të Pogradecit.

Në qytetin e Bilishtit po punon një grup pune i specializuar nga nënstacioni i Elbasanit për riparimin e defekteve në shtyllat e tensionit të lartë.

Shtylla të rrëzuara dhe linja të këputura ka pasur pothuajse në të gjitha fshatrat e njësive administrative të zonave malore të qarkut të Korçës./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm