Rreziku nga përmbytjet në qarkun e Shkodrës nga reshjet e shiut si dhe problemet që mund të sjellin reshjet e borës dhe ngricat ishin në fokus të një takimi të Komisionit të Mbrojtjes Civile në Prefekturën e Qarkut Shkodër.
Prefektja, Majlinda Angoni kërkoi më shumë vëmendje nga bashkitë dhe gjitha institucionet e tjera për të parandaluar përmbytjet.
Shefi i emergjencave civile në Prefekturë, Pëllumb Dani tregoi disa prej problematikave që kërkojnë ndërhyrje të menjëhershme sa i përket masave parandaluese ndaj përmbytjeve.
Ndërkohë zëvendëskryetari i bashkisë Shkodër, Onid Bejleri dhe kreu i bashkisë Vau Dejës, Kristjan Shkreli treguan për masat që po merren dhe nevojat që kanë për parandalimin e përmbytjeve.
Gjatë këtij takimi u fol edhe për situatën e zjarreve gjatë muajve të verës ku numri ka qenë më i lartë se vitet e kaluara por edhe arrestimet e zjarrvënësve kanë qenë më të shumta.
Shkodra mbetet një qark gjithnjë i rrezikuar nga përmbytjet apo zjarret ndaj edhe kërkohet që masat të merren në kohë në mënyrë që dëmet në raste emergjencash të jenë sa më të pakta./A2Cnn
FSK dhe FARSH kryejnë stërvitje së bashku në operacionet e k...
Begaj viziton arbëreshët e Italisë: Do të mbetet një kujtim ...
Ancelotti tregon haptas se a do të bëjë Real Madridi ndonjë ...
“Trepça” dërgon padi ndaj një ish-punëtori, thot...
Vrasja e kreut të Hamasit, reagon Hezbollahu: Do ta përshkal...
Ursula von der Leyen javën tjetër në Kosovë