Rikthehet “Balena Blu”, policia e Shqipërisë parandalon vetëvrasjen e 15-vjeçares

13:59 | 30 Qershor 2017
M. A.

Loja e rrezikshme “Balena Blu” rikthehet në vëmendjen e publikut, kur rasti i fundit shënohet në Korçë. Policia ka ndërhyrë në kohë për të parandaluar vetëvrasjen e një 15-vjeçareje.

E mitura në Facebook ndiqte udhëzimet dhe ishte bërë pjesë e lojës. Mësohet se ishte gjurmuar aktiviteti i saj në rrjetin social nga sektori i krimeve kompjuterike, dhe ishin referuar informacionet në policinë e Korçës nga eprorët e tyre.

Informacionet flisnin për disa udhëzime që mund të kishte marrë e mitura në Facebook nga një adresë e paidentifikuar me përdorues “Balena Blu”.

Duke luajtur dhe duke arritur në nivelin e tridhjetë të kësaj loje, dyshohej se e mitura mund të kalonte deri në vetëvrasje. Fatmirësisht uniformat blu të Korçës ndërhynë në kohë duke e parandaluar shkaktimin e vetëvrasjes.

Aktualisht vajza është në gjendje të mirë shëndetësore dhe nën kujdesin e kontrollin e prindërve dhe një psikologe.

Shpërndaje në rrjete sociale

Lajmet më të lexuara

Të ngjashme

Foto lajm