Bregdeti i Durrësit vijon të jetë ndër më të preferuarit, kryesisht për turistët familjarë nga trevat shqipfolëse dhe ata të rajonit, por edhe më gjerë.
Në një kohë kur çmimet e rritura mbeten arsyet kryesore të mungesës së pushuesve në jug të vendit, mesa duket Durrësi mbetet opsioni më i leverdisshëm. Menaxherët e resorteve që ofrojnë paketa të plota pohojnë se rezervimet janë të kënaqshme, pavarësisht ndryshimit të çmimeve të paketave.
E ndërsa resortet duken të kënaqur, nuk mund të thuhet e njëjta gjë për subjektet e tjera përgjatë bregdetit të Durrësit, të cilët kanë si klientelë kryesisht pushuesit vendas. Një punonjës që u shërben pushuesve me çadrat dhe shezllongët shprehet se deri tani, numri i pushuesve është më i vogël krahasuar me vitet e tjera.
Edhe vetë pushuesit që e kanë frekuentuar ndër vite bregdetin e Durrësit vërejnë një numër më të vogël pushuesish në këtë pikë të sezonit. Edhe pse bregdeti i Durrësit është ndër më të populluarit për momentin në vendin tonë, piku shpresohet të arrihet gjatë muajit gusht, me shpresën e ardhjes se më shumë emigrantëve nga jashtë vendit. /A2 CNN/
Publikohet formacioni i javës së tretë në Champions League
Sllovenia anulon referendumin për centralin e ri bërthamor
Tiranë, KQZ miraton rregullat për regjistrimin e zgjedhësve ...
Beqa i PDK-së e pyeti nëse kishte marrë leje nga Dejona Miha...
Bislimi thotë se takimi me Petkoviqin në Bruksel përfundoi p...
Më shumë se 20 të vdekur nga stuhia tropikale në Filipine