I ftuar në studion e lajmeve të Ora News, Nesho vlerësoi punën e ministrit Bushati, ndërsa theksoi se duhet të qëndrojë në detyrë.

Nesho: Unë mendoj që ishte një vendim i drejtë. Meta u tregua si burrë shteti, për arsye sepse gjithmonë e më shumë po shikojmë pushtet personal të pakufizuar dhe të pakontrolluar të kryeministrit Rama.

Nga ana politike Meta veproi si një burrë shteti. Akti i mosdekretimit ishte tepër i justifikueshëm në argumentet që jepeshin.

Unë mendoj që ishte një akt politik që ka të bëjë me të ardhmen e Shqipërisë. Ka vënë në dukje që eksperienca është e pamjaftueshme. Mund të jetë djal i mirë, por është pa eksperiencë.

Unë mendoj që kjo kandidaturë nuk përbën fare me aspektin që Rama të marri flamurin e patriotizmit ndaj kombit shqitpar. Unë mendoj që ai do ta përdore në marrëveshjen e ardhshme të cilët e kanë për çështjen e kufijve, duke treguar që arritjet nga pala shqiptare janë më të avancuara.

Bushati ka shërbyer dhe nuk ka treguar individualitetin dhe staturën që në shumë raste si ministër i Jashtëm të ndalonte personalizimin e politikës nga Rama. Ai duhet të qëndrojë nëse tregon se ka disa vlera.