Google ADS

Rama vizitë zyrtare në Bruksel, takon Presidentin e ri të KE-së, António Costa

17:56 | 3 Dhjetor 2024
E.G

Kryeministri i Shqipërisë, Edi Rama ndodhet për vizitë të martën në Bruksel, ku është takuar me presidentin e ri të Këshillit Evropian, António Costa.

Lajmi është bërë i ditur nga vetë kreu i qeverisë shqiptare, nëpërmjet një postimi në Facebook, shoqëruar edhe me një foto.

Rama, së bashku me udhëheqës të tjerë të Ballkanit Perëndimor, do të zhvillojnë takime të ndara me presidentin e ri të Këshillit Evropian, Antonio Costa. Takimet do të mbahen para një darke që Costa do të organizojë me udhëheqësit e rajonit.

Sipas burimeve nga BE-ka, këto takime kanë për qëllim që Costa, i cili mandatin e ka nisur të dielën me 1 dhjetor, të njihet personalisht me ta, por edhe të përgatisë samitin BE-Ballkani Perëndimor që do të zhvillohet më 18 dhjetor në Bruksel.

Pasardhësi i Charles Michel në këtë post synon përshpejtimin e procesit të integrimit evropian të rajonit tonë.

Shpërndaje në rrjete sociale

Lajmet më të lexuara

Të ngjashme

Foto lajm