Rama: Vitin e ardhshëm Samiti i Komunitetit Politik Evropian do të mbahet në Shqipëri

08:34 | 19 Korrik 2024
K.B

Vitin e ardhshëm, Shqipëria do të mikpresë Samitin e Komunitetit Politik Evropian.

Kështu bën të ditur kryeministri shqiptar, Edi Rama, teksa ka ndarë disa pamje nga takimi që u mbajt të enjten në Britaninë e Madhe.

Sipas Ramës, kjo tregon pozicionin e ri që ka fituar vendi në arenën ndërkombëtare.

“Mirëmëngjes dhe me lajmin e bukur se Shqipëria do të mikpresë vitin tjetër Samitin e Komunitetit Politik Europian, si një tjetër fakt kuptimplotë i pozicionit të ri të vendit tonë në arenën ndërkombëtare, ku deri dje jo vetëm s’mund të imagjinohej të respektoheshim si të barabartë e të bëheshim stacion europian aktivitetesh të nivelit më të lartë politik, po shikoheshim si një periferi e prapambetur ballkanike, ju uroj të gjithëve një ditë të mbarë”, shkruan Rama./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm