Rama: Mos hidhni gurë për një dështim imagjinar, kështu na përgëzon Evropa

08:38 | 27 Qershor 2018
Arbresh.info

Pak orë pasi u bë publik vendimi i ministrave të Jashtëm të Evropës për shtyrjen e negociatave në qershor të vitit 2019 për Shqipërinë dhe Maqedoninë e Veriut, reagon sërish Edi Rama.

Ai publikon një video të Këshillit Evropian duke shkruar se kjo është kartolina e përgëzimit për shqiptarët.

Ndër të tjera ai akuzon opozitën se hodhën gurë kundër qeverisë si fajtore për një dështim imagjinar.

“MIRËMËNGJES

Mbrëmë, në të njëjtat orë që Këshilli Europian postonte këtë kartolinë përgëzimi për të gjithë shqiptarët, pas dakordësisë aspak të lehtë për datën e çeljes së negociatave me Shqipërinë, esadistët e rinj të Shqipërisë hidhnin gurët e akuzave të tyre vulgare kundër qeverisë si fajtore për një dështim imagjinar në Europë!

Me lutjen që të mos u’a harroni këto shfaqje të pafundme brutaliteti kundër qëllimit tonë të përbashkët dhe vetë Shqipërisë, ju uroj një ditë të bukur”, shkruan Rama./Express

https://www.facebook.com/edirama.al/videos/10155913804076523/

Shpërndaje në rrjete sociale

Lajmet më të lexuara

Të ngjashme

Foto lajm