Google ADS

Rama inkurajon policinë: Engjëj mbrojtës

09:24 | 24 Prill 2017
Arbresh.info

Kryeministri Edi Rama, me një mesazh në rrjetet sociale, ka vlerësuar punën e forcave të rendit, duke sjellë si shembull një grua police, të cilën e ka quajtur imazhin e “engjëjve mbrojtës” të rregullit në rrugët e vendit.

“Ermela Lika, pasi ka kryer me rezultate të shkëlqyera Akademinë e rilindur të Sigurisë, është bërë pjesë e #PolicisëQëDuam, bashkë me 888 gratë dhe vajzat me gradë, të cilat i janë bashkuar forcave të rendit tre vitet e fundit”, shkruan Rama.

“Mirënjohje dhe respekt për çdo punonjës të Policisë së Shtetit, që me përkushtimin dhe profesionalizimin e saj apo të tij, ka bërë të mundur kthimin e besimit të qytetarëve tek uniformat blu. Shumë është bërë. Ende më shumë mbetet për t’u bërë. Por, edhe shumë ka për të humbur nëse ndalemi sot. Prandaj, përpara për #ShqipërinëQëDuam”, përfundon mesazhi i kryeministrit. Një ditë më parë, ai i bëri thirrje qytetarëve që të refuzojnë thirrjet e opozitës për bllokimin e rrugëve sot.

Shpërndaje në rrjete sociale

Lajmet më të lexuara

Të ngjashme

Foto lajm