Rama e Basha të heqin dorë nga qëndrimet konfliktuale

23:58 | 3 Prill 2017
Trina Galanxhi

Kryetari i LSI, njëherësh edhe kreu i Kuvendit i bëri thirrje kryeministrit Rama dhe kreut të opozitës Basha që të dialogojnë për të arritur në një zgjidhje.

Ai tha se situata politike është e tensionuar, duke vlerësuar se Rama e Basha duhet të heqin dorë nga qëndrimet konfliktuale.

Meta: Situata në politikë është tejet e tensionuar. Reforma në drejtësi dhe reforma zgjedhore  janë të bllokuar, ndërkohë konstatojmë një rënie të besimit të qytetarëve tek politika dhe institucionet. Retorika politike, agresive po dominon zhvillimet dhe sjelljen politike. Në këto kushte është imperative dialogu urgjent dhe zgjidhja politike. Çdo vonëse e çon vendin në drejtime të panjohura, të pakontrolluara dhe me pasoja. Vlerësojmë së Rama dhe Basha duhet të heqin dorë nga qëndrimet përjashtuese dhe konfliktuale. Vlerësojmë iniciativën e Idrizit si një përpjekje konkrete për dialog dhe për zgjidhjen e krizës.

Shpërndaje në rrjete sociale

Lajmet më të lexuara

Të ngjashme

Foto lajm