Qytetarët e Elbasanit nuk i binden masave, nuk i ndan dot as policia

10:17 | 21 Mars 2020
Arbresh.info

Mesa duket qytetarët vijojnë të mbeten ”të pabindur”, duke mos zbatuar masat e dhëna për të parandaluar më tej përhapjen e virusit Covid-19.

Siç mund të shihni dhe në pamje, në orët e para të mëngjesit të sotëm një numër i madh qytetarësh janë grumbulluar në pikat e shitjes së zarzavateve, në qytetin e Elbasanit.

Në pamje, shihen edhe forca të shumta të policisë, por pavarësisht përpjekjeve duket se nuk ja kanë dalë ti shpërndajnë.

Duke filluar nga dita e sotme orari i lëvizjes për qytetarët do të ndryshojë dhe nuk do të jetë më në dy fasha kohore.

Lajmin e ka bërë të ditur kryeministri Edi Rama i cili me anë të një postimi në rrjetet sociale ka njoftuar se duke filluar nga dita e nesërme orari i lëvizjes do të jetë nga ora 05:00 deri në orën 13:00. Ky do të jetë në vijim edhe orari i pikave të shitjes së ushqimeve, ilaçeve apo shërbimeve bankare, si edhe orari i punës së punonjësve të administratës.

Shpërndaje në rrjete sociale

Lajmet më të lexuara

Të ngjashme

Foto lajm