“Punonjësja” mashtruese e Interpolit arrestohet në Lezhë

13:30 | 7 Maj 2018
Arbresh.info

Policia e Lezhës ka vënë në pranga ditën e djeshme një 48-vjeçare, pasi akuzohet për mashtrim.

Siç bëhet me dije, në pranga është vënë Pranvera Stojani, 48 vjeçe, banuese në Lezhë.

48-vjeçarja prezantohej si punonjëse e Interpolit dhe u premtonte personave të ndryshëm viza amerikane kundrejt vlerave monetare 8000 dhe 3000 euro.

Nëpërmjet mashtrimit, mësohet se Stojani u ka marrë 2 personave, 8000 dhe 3000 euro, me premtimin për tu dhënë vizë amerikane, por i ka mashtruar.

Për këta, ata kanë bërë kallëzim, ku është bërë e mundur edhe arrestimi i 48-vjeçares.

Blutë e Lezhës bëjnë me dije se po hetohet nëse ka raste të tjera që kanë rënë pre e mashtrimit të 48-vjeçares që hiqej si punonjëse e Interpolit.

Shpërndaje në rrjete sociale

Lajmet më të lexuara

Të ngjashme

Foto lajm