Presidenti i Shqipërisë, Bajram Begaj, do të nisë sot pas mesditës konsultimet me krerët e partive parlamentare për caktimin e datës për zgjedhjet e ardhshme lokale.
Ditën e sotme pritet të shkojë në Presidencë një përfaqësi nga grupi Mediu-Shehi-Dule-Duka, ndërkohë që Alibeaj, do të takohet me Bajram Begajn ditën e nesërme.
Kreu i grupit të PS-së, Balla do të shkojë të enjten në selinë e kreut të Shtetit, ndërsa sipas të dhënave Presidenti është takuar mëngjesin e sotëm dhe me nënkryetarin e Partisë Demokratike Oerd Bylykbashi.
Gjatë diskutimeve i është marrë edhe opinioni se kur do të ishte një datë e përshtatshme për datën e zgjedhjeve. Mësohet se preferenca e demokratëve të Berishës të jenë dy javët e para të majit.
Kjo lëvizje e presidentit është një njohje e realitetit në skenën politike shqiptare, ndërsa çështja e demokratëve mbetet ende në gjykatë pa përgjigje.
Një ditë më parë, në Presidencë shkoi dhe kryeministri Edi Rama, ndërkohë që asnjë prej zyrave të shtypit nuk bëri publike të dhëna nga ky takim. /A2 CNN/
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin