Google ADS

Policia shpëton dy turistë gjermanë që kishin mbetur të izoluar në Gjirin e Gramës

11:32 | 4 Maj 2023
A. B.

Shërbimet e stacionit të Policisë në Orikum të Vlorës shpëtuan dy turistë gjermanë në Gjirin e Gramës, të cilët kishin mbetur të izoluar në një terren të vështirë.

Policia informoi se kërkimet disaorëshe gjatë mesnatës dhe transportimi me mjetin lundrues të Policisë Kufitare, finalizuan me sukses angazhimin e shërbimeve për të ndihmuar këta dy turistë, njëri prej tyre ishte kafshuar nga një qen.

Pas lokalizimit dhe gjetjes, të dy turistët janë transportuar me mjetin lundrues të Policisë Kufitare, me qëllim ofrimin sa më të shpejtë të asistencës mjekësore.

Në njoftimin e Policisë bëhet e ditur se, të dy turistët janë në gjendje të mirë shëndetësore.

Turistët gjermanë kanë falënderuar shërbimet e Policisë dhe ato mbështetëse, për reagimin e menjëhershëm dhe profesionalizmin e treguar për t’iu ardhur në ndihmë, turistëve që vizitojnë Vlorën dhe gjithë Shqipërinë.

Shpërndaje në rrjete sociale

Lajmet më të lexuara

Të ngjashme

Foto lajm