Google ADS

Policia aksion për kapjen e autorëve që grabitën paratë afër Rinasit

16:50 | 14 Shkurt 2017
Arbresh.info

Pesë ditë pas grabitjes së 3.2 milionë dollarëve në rrugën e Rinasit policia e shtetit ka nisur një operacion masiv për kapjen e autorëve. Operacioni po zhvillohet nga ajri dhe nga toka.

Krahas policisë së Tiranës, janë përfshirë edhe forcat RENEA dhe Forcat e Ndërhyrjes së Shpejtë. Mësohet se operacioni po zhvillohet në zonën e Prezës dhe Vorës.

Ngjarja ndodhi të enjten e 9 shkurtit, ku automjeti që transportonte lekët drejt aeroportit të Rinasit u grabit nga të paktën 6 grabitës. Aktualisht për ngjarjen janë arrestuar në akuzën e shpërdorimit të detyrës, grupi shoqërues i parave të një kompanie private sigurimi dhe drejtori teknik i saj.

Prokuroria është shprehur se kamerat e sigurisë së mjeteve të transportit ishin fikur, radio e ndërlidhjes nuk është përdorur dhe pajisja gjurmuese GPS nuk ishte vendosur në thasët me para’./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm