Polici përplas për vdekje një 12-vjeçar në Gjirokastër

20:38 | 22 Tetor 2022
E.H

Një ngjarje e rëndë është regjistruar mbrëmjen e të shtunës në Gjirokastër të Shqipërisë, ku një fëmijë 12 vjeç ka ndërruar jetë pasi u përplas nga një makinë, e drejtuar nga një efektiv policie.

Sipas policisë lokale, ngjarja ka ndodhur rreth orës 18:50, në aksin rural Valare-Gjirokastër, ku polici Estian Dinaj, (pjesë e Policisë së Gjirokastrës), banues në fshatin Valare, duke drejtuar automjetin e tij privat tip “Benz”, ka aksidentuar fëmijën, e identifikuar si E.I., i cili ishte duke ecur në këmbë.

Nga përplasja, 12-vjeçari ka ndërruar jetë.

Drejtuesi i automjetit është shoqëruar në ambientet e Policisë së Gjirokastrës.

“Menjëherë është ngritur grupi hetimor nën drejtimin e Prokurorisë pranë Gjykatës së Rrethit Gjyqësor Gjirokastër dhe me Oficerë të Policisë Gjyqësore të AMP-së, për hetimin e rrethanave të aksidentit me pasojë vdekjen e fëmijës”, thuhet në njoftimin e policisë./A2CNN/

Shpërndaje në rrjete sociale

Lajmet më të lexuara

Të ngjashme

Foto lajm