Po transportonte 18 sirianë në Kukës, 20-vjeçari i ikën policisë

14:22 | 4 Mars 2023
A. B.

Një person, 20 vjeçar është shpallur në kërkim këtë të shtunë në Kukës, në kuadër të operacionit policor të koduar “Kalimashi”, pasi kishte transportuar 18 emigrantë nga Siria.

Sipas një njoftimi nga Policia e Shtetit bëhet e ditur se është sekuestruar automjeti me të cilin kryhej transportimi.

“Në orët e para të mëngjesit të sotëm, shërbimet policore të Njësisë për Sigurinë e autostradës “Milot-Morinë”, në aksin rrugor “Tuneli-Morinë”, i kanë bërë shenjë ndalimi automjetit tip fugon, të marrë me qira nga shtetasi F. L., me qëllim kryerjen e kontrollit. Shtetasi F. L. nuk i është bindur urdhrit për të ndaluar, por është larguar me shpejtësi, ka braktisur automjetin dhe duke përfituar nga kushtet e errësirës, ka mundur të largohet”, thuhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm