Plagosi me thikë një 40-vjeçar në shëtitoren e Sarandës, arrestohet autori i shpallur në kërkim

16:57 | 27 Gusht 2023
Orgesa Haziri

Një 25-vjeçar i shpallur në kërkim është arrestuar në Sarandë, pasi plagosi një person me thikë.

Ngjarja ndodhi në shëtitoren e Sarandës, ku gjatë konfliktit të çastit mes dy personave, i riu J. Rr., goditi me thikë 40-vjeçarin E. Xh., i cili është jashtë rrezikut për jetën dhe u largua nga vendngjarja.

“Shërbimet e Komisariatit të Policisë Sarandë, në bazë të informacioneve të siguruara nga inteligjenca policore, për vendndodhjen e një shtetasi të shpallur në kërkim për plagosje, kanë finalizuar operacionin policor të koduar “Wanted”, si rezultat i të cilit u lokalizua, u kap dhe u vu në pranga shtetasi J. Rr., 25 vjeç, banues në Kalasë, Delvinë”, thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./tch/

Shpërndaje në rrjete sociale

Lajmet më të lexuara

Të ngjashme

Foto lajm