Plagoset me armë 33-vjeçari në Fier

08:33 | 30 Korrik 2023
E.H

Një person ka mbetur i plagosur me armë zjarri në Fier të Shqipërisë. Bëhet fjalë për një 33-vjeçar me iniciale O.B.

Ai u plagos pas një konflikti të çastit jashtë një lokali në zonën e quajtur “Vija e ngjalës”. Policia thotë se i plagosuri është dërguar në spital dhe ndodhet në kujdesin e mjekëve.

Po ashtu është mundur të identifikohet autori i kësaj ngjarje. Ai është një 30-vjeçar nga Patosi. Policia është vënë në ndjekje të të riut. Uniformat blu kanë rrethuar zonën dhe po ushtrojnë kontrolle të ndryshme për ta kapur.

Ende vijojnë të jenë të paqarta rrethanat e plota të kësaj ngjarje. Policia vijon hetimet. Për këtë arsye janë sekuestruar kamerat e sigurisë dhe çdo provë tjetër që mund të shërbejë në zbardhjen e plotë të kësaj ngjarje./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm