Plagoset 24-vjeçari në Peshkopi, policia në ndjekje të autorit

08:11 | 12 Maj 2018
Arbresh.info

Një ngjarje e rëndë është regjistruar në qytetin e Peshkopisë, në orët e vona të së premtes.

Shtetasi 24-vjeçar me inicialet A.M. ka mbetur i plagosur rëndë me armë zjarri, teksa ndodhet i shtruar në spitalin e qytetit, ku po merr ndihmën mjekësore.

Policia ka mbërritur menjëherë në vendin e ngjarjes dhe falë veprimeve të shpejta hetimore ka identifikuar autorin e plagosjes, emri i të cilit nuk bëhet i ditur.

Aktualisht forca të shumta policie po krehin zonat ku mendohet se fshihet autori, ndërsa kanë ngritur edhe patrulla në rrugët dalëse të qytetit.

Nga ana tjetër, grupi hetimor vijon punën për zbardhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë hetimin./tch

Shpërndaje në rrjete sociale

Lajmet më të lexuara

Të ngjashme

Foto lajm