Prej më shumë se një muaj anijet e peshkimit në Vlorë kanë fikur motorët. Pjesa më e madhe e këtyre mjeteve lundruese po qëndrojnë të ankoruara në kalatat e Triportit. Shkak për këtë situatë është bërë rritja e çmimit të naftës dhe peshkatarët thonë se po përballen me vështirësi të mëdha.

Sektori i peshkimit në Vlorë është në kufijtë e mbijetesës. Problematikat kryesore të ngritura nga peshkatarët janë pikërisht ato që lidhen me infrastrukturën që ka të bëjë me zgjerimin e hyrjes së portit dhe ankorimin e anijeve në zonën e Triportit të Vlorës.

Gjithashtu tregojnë se ata që kanë varkat të vogla (7 metra) nuk marrin naftë më pa akcizë, pasi që të fitosh naftën me akcizë duhet ta kesh serbatorin me një sasi prej 1000 litra ose 3000 litra.

Në këto kushte ata njëzëri pohojnë se do lënë peshkimin e në varkat e tyre do rrisin pula.

Një tjetër peshkatar shpreh pendimin e tij që erdhi nga Greqia me një mjet dhe këtu nuk përfiton asgjë “unë kam karburant për dy ditë pastaj do ta mbyll nuk ia vlen më, pasi ne merlucin na e marrin me 600 lekë ndërkohë tek konsumatori shitet me 1500 lekë. Pse?”.

Por ai shprehet se janë në fazën e investimeve ku së shpejti pritet inaugurimi i markatës e më pas do kryhet investimi edhe në rrjetin e ujit./noa/