Google ADS

Përse u mbyt 74-vjeçarja në Bërzhitë

23:57 | 6 Mars 2017
Trina Galanxhi

Një 74-vjecare u gjet pa jetë nga fqinjët e saj mbrëmjen e së hënës në fshatin Mihajas të Bërzhitës. Viktima është Fatime Hida e cila ishte e ve dhe jetonte e vetme në fshat.

Në vendin e ngjarjes shkuan forca të policisë të cilat konstatuan se e moshuara ishte lidhur dhe ka humbur jetën si pasojë e asfiksisë.

Lapsi.al mësoi nga burime në policinë e Tiranës se dyshohet që motiv të ketë qenë grabitja. Të njëjtat burime thanë se përpara pak ditësh ajo kishte shitur disa bagëti dhe autorët kanë ditur që ajo kishte një shumë të hollash në banesë për të cilat kanë kryer edhe grabitjen.

Kufoma është dërguar pranë Institutit të Mjekësisë Ligjore  për kryerjen e autopsisë. Policia thotë se po punohet për sqarimin e plotë të rrethanave të  ngjarjes.

Shpërndaje në rrjete sociale

Lajmet më të lexuara

Të ngjashme

Foto lajm