Nisi me tension dhe degjeneroi në akuza të ndërsjellta deri edhe fyerje personale e familjare seanca plenare mes ish-Kryeministrit Berisha dhe kreut te qeverisë Edi Rama. Përplasja erdhi pas një akuze që Berisha bëri në adresë të bashkëshortes së kryeministrit Rama.
Ndërprerja e fjalës ndaj ish-kryeministrit Berisha shkaktoi jo pak tension në sallë, çka çoi edhe në ndërprerjen e seancës plenare për pak minuta.
Me rinisjen e seancës, kryeministri Rama u përfshi në replikë edhe me kreun e opozitës lidhur me një investigim të bërë nga BIRN dhe Zëri i Amerikës mbi përfshirjen e krimit të organizuar në episode të blerjes së votave në Durrës, Kavajë, Lezhë dhe Dibër. Lulzim Basha i përsëriti kërkesën për qeveri tranzitore, por Edi Rama e ftoi në fushëbetejën e 30 Qershorit.
Pas fjalës së Bashës demokratët braktisën punimet e Kuvendit, ndonëse në axhendën e parlamentit është edhe kërkesa e tyre për ngritjen e një komisioni hetimor për veprimtarinë e DSIK-së lidhur me pajisjen me certifikatë sigurie për Gent Cakajn, i propozuar nga kryeministri Rama si ministër i Jashtëm./TvKlan.al
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...