Google ADS

Përplasi një burrë me makinën e tij, arrestohet 43-vjeçari në Tiranë

13:33 | 15 Dhjetor 2019
Arbresh.info

Një 43-vjeçar ka rënë në pranga nga policia e Tiranës pasi aksidentoi me mjet një 33-vjeçar në rrugën “Demokracia” dhe më pas u largua nga vendi i aksidentit.

Bëhet fjalë për shtetasin me iniciale A. A., banues në Tiranë.

Arrestimi i tij u bë pasi duke qarkulluar me mjetin veturë, tip ‘”Volkswagen”, në afërsi të degëzimit të rrugës “Ali Asllani”, Kamëz, ka përplasur shtetasin D. B., 33 vjeç, i cili ndodhet në spital në gjendje të rëndë për jetën.

Pas përplasjes, drejtuesi i dyshuar i mjetit është larguar nga vendi i aksidentit. Pas disa orë punë intensive nga specialistët e Policisë Rrugore është bërë i mundur identifikimi i mjetit dhe më pas kapja dhe arrestimi i drejtuesit të mjetit.

Materialet i kaluan Prokurorisë se Rrethit Gjyqësor Tiranë, për veprat penale “Shkelja e rregullave të qarkullimit rrugorr” dhe “Largim nga vendi i aksidentit”./tch/

Shpërndaje në rrjete sociale

Lajmet më të lexuara

Të ngjashme

Foto lajm