Përplasen 2 automjete në Elbasan, 6 të plagosur

23:28 | 5 Nëntor 2018
Arbresh.info

Një ngjarje e rëndë ka ndodhur pasditen e sotme në qytetin e Elbasanit.

Dy automjete janë përplasur në aksin Elbasan-Librazhd. Paraprakisht raportohet se një shtetas ka mbetur i plagosur rëndë, por rrethanat e aksidentit nuk janë të qarta.

Njoftimi i policisë

Në unazën Elbasan, në lagjen Emin Matraxhiu, Elbasan, mjeti tip “Golf” me targa AA 280BU , me drejtues shtetasin Sh.H., 51 vjeç, banues në fshatin Mirakë Librazhd, është përpalsur me mjetin tip “Volkswagen” , me targa AA 824 HP, me drejtues shtetasin V. D., 25 vjeç, banues në lagjen “5 Maji’ Elbasan.

Si pasojë e aksidentit janë dëmtuar dy drejtuesit e mjeteve dhe 2 pasagjere që ndodheshin në këto mjete , të cilët janë transportuar në Spitalin e Elbasanit, ku shtetasja K.H., 49 vjeç , banuese në Librazhd, pasagjere në mjetin me targa AA280BU, ndodhet në gjendje të rëndë, ndërsa të tjerët janë jashtë rrezikut për jetën. Grupi Hetimor ndodhet në vendngjarje dhe po punon për zbardhjen e shkakut të aksidentit.

 

Shpërndaje në rrjete sociale

Lajmet më të lexuara

Të ngjashme

Foto lajm