Përmbyset autobusi në Tiranë, lëndohen tre pasagjerë

17:50 | 26 Mars 2023
E.H

Një aksident ka ndodhur pasditen e sotme në “Rrugën e Elbasanit” në Tiranë, Shqipëri.

Siç raporton Euronews Albania, një autobus ka dalë nga rruga dhe është përmbysur e për pasojë tre pasagjerë kanë mbetur të lënduar.

“Më datë 26.03.2023, rreth orës 15:45, në Rrugën e Elbasanit, shtetasi Gentjan Qosja, 42 vjeç, duke drejtuar autobusin e linjës së Krrabës, dyshohet se ka humbur kontrollin mbi drejtimin e autobusit dhe si pasojë autobusi ka dalë nga rruga dhe është përmbysur.”- njofton policia.

Pas testit të alkoolit, drejtuesi i autobusit nuk ka rezultuar nën efektin e pijeve alkoolike.

Pamje nga vendngjarja
Gazetari Eni Ferhati nga vendi i ngjarjes bëri me dije se në autobus ndodheshin 20 persona.

Në vendngjarje ndodhen shërbimet e ambulancës dhe shërbimet e Policisë.

Shpërndaje në rrjete sociale

Lajmet më të lexuara

Të ngjashme

Foto lajm