Google ADS

Përleshje mes bandave shqiptare në Belgjikë, vritet një grua, 4 persona të tjerë plagosen

22:11 | 11 Qershor 2018
Trina Galanxhi

Sërish shqiptarët në qendër të vëmendjes në mediat e huaja. Një grua ka humbur jetën dhe 4 persona të tjerë janë plagosur si pasojë e përleshjes mes dy bandave shqiptare.

Siç raportojnë mediat vendase, ngjarja ka ndodhur mbrëmjen e djeshme rreth orës 22:30 në komunën Ans të Belgjikës, ku dy banda rivale shqiptare u përfshinë në një sherr masiv mes tyre, raporton “OraNews”.

Në konflikt u përdorën thika, shkopinj bejsbolli, shufra hekuri dhe sende të tjera të forta, ndërsa dëshmitarët e përshkruan si një skenë lufte.

Viktima është një 43-vjeçare, e cila humbi jetën duke u përpjekur të ndihmonte mikun e saj që kishte pësuar lëndime nga goditjet. Ajo u përplas nga një automjet.

Identifikimi i viktimave nuk bëhet i ditur, ndërsa disa prej personave të përfshirë në konflikt janë identifikuar nga policia, por deri tani asnjë prej tyre nuk është arrestuar apo shoqëruar.

Shpërndaje në rrjete sociale

Lajmet më të lexuara

Të ngjashme

Foto lajm