Policia e Shtetit ka bërë të ditur sasinë e drogës së kapur në fshatin Llakatund të Vlorës. Rreth orës 23.00 të së premtes përfundoi peshimi i sasisë rekord të kapur në këtë operacion. Sipas njoftimit zyrtar gjatë gjithë operacionit është sekuestruar 15 ton e 162 kg lëndë narkotike Cannabis Sativa.
Policia thotë se janë sekuestruar edhe 5 armë zjarri, 3 presa që presonin lëndën narkotike, vaj hashashi, sita e përbërës kimikë.
Operacioni startoi më datë 13 korrik nga Policia e Vlorës mbështetur nga FNSH-ja e Fierit, Specialistët e SHÇBA-së dhe Prokuroria e Vlorës.
Pjesa më e madhe e lëndës narkotike u gjet në 3 banesa të fshatit Drithas me peshë prej 14 ton e 466 kg Cannabis Sattiva në formë boçesh dhe çokollate. Në këtë fshat janë asgjësuar rreth 270 bimë narkotike. Janë arrestuar në flagrancë 9 shtetas, ndër këta 2 punonjës policie dhe 1 kryeplak fshati. Në këtë operacion masiv kanë marrë pjesë rreth 150 forca policie
Gjithashtu të premten në vijim të operacionit masiv antidrogë në Llakatund u gjet një tjetër sasi lënde narkotike në fshatin Drithas, e cila pas peshimit rezultoi prej rreth 696 kg Cannabis Sativa.
Forcave mbështetëse të policisë u është shtuar edhe asistimi i qenit antidrogë, i specializuar për konstatimin e lëndës narkotike.
Policia thotë se vazhdon veprimet e mëtejshme të transportimit të lëndës narkotike drejt ambienteve të Drejtorisë së Përgjithshme të Policisë së Shtetit Tiranë.
Kurti refuzon t’i japë notë raportit me Ramën: Në kuptimin e...
Përzgjedhja e mjekut familjar – 1 mjek do të ketë deri 2 mij...
Aksidenti në Badovc, Gashi: Dy trupa u gjetën në ujë, një në...
Përmirësohet situata nga përmbytjet në Vlorë, vijon pastrimi...
Jasir Asani në top formë, shënon sërish për fitoren e skuadr...
Aksidenti me tre të vdekur, reagon Rama: Momentet e tilla ja...