Dega e Partisë Demokratike të Shkodrës paralajmëron mbajtjen e një proteste të hënën, ditë kur pritet të konstituohet Këshilli i ri Bashkiak.
Përmes një deklarate të shpërndarë për mediat, PD i bën thirrje Kryeministrit Rama t’i mbajë larg duart nga Shkodra për të mos e shndërruar këtë qytet në një fushë betejë të parë përplasjesh.
Për shkak të rezistencës së demokratëve në këtë Bashki, betimi i Këshillit të ri Bashkiak do të bëhet në Universitetin e Shkodrës “Luigj Gurakuqi. Por dega e PD-së i kërkon Rektorit të Universitetit të ruajë strikt asnjanësinë institucionale dhe të mos e përziejë auditorin e dijes universitare në lojën e pisët të Partisë Socialiste.
Të hënën pritet të bëhet vetëm konstituimi i Këshillit të ri Bashkiak dhe jo betimi i kryebashkiakut Valdrin Pjetri, i cili hoqi dorë nga mandati për shkak të publikimit të dokumenteve të Kuesturës së Firences ku rezultonte i dënuar në Itali në vitin 2003 për trafik të lëndëve narkotike./tv klan.al/
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas
Conrad: Partneriteti me Kosovën, dëshmi e miqësisë së qëndru...