PD do të bojkotojë Kuvendin deri në krijimin e qeverisë teknike

08:50 | 20 Shkurt 2017
Arbresh.info

Grupi Parlamentar dhe Kryesia e Partisë Demokratike kanë marrë vendim se Partia Demokratike nuk do të kthehet në Parlament derisa të arrihet krijimi i qeverisë teknike që do të garantojë zgjedhje të lira dhe të ndershme.

Ky është njoftimi më i fundit që vjen nga selia blu. Edhe më herët nga sheshi i i protestës, deputeti Arben Ristani dhe Sali Berisha thanë se Parlamenti është aty ku janë edhe qytetarët.

Partia Demokratike ka vendosur sot në mbledhjen e grupit Parlamentar të saj se nuk do të ketë grevë urie në çadrën e ngritur para Kryeministrisë.

Kështu, PD ka vendosur që protesta të vazhdojë dhe se tashmë do të bojkotohet Parlamenti deri në një qeveri të re teknike që do të garantojë zgjedhje të lira dhe të ndershme.

Shpërndaje në rrjete sociale

Lajmet më të lexuara

Të ngjashme

Foto lajm