Pasojat e tërmetit të 26 nëntorit, shkon në 27 numri i personave të arrestuar

11:50 | 15 Janar 2020
A. B.

Vijon sot aksioni për arrestimin e personave përgjegjës në lidhje me ndërtimet pa kriter në qarkun e Tiranës, ndërtime që sollën edhe pasoja pas tërmetit të 26 nëntorit.

Prokuroria ka lëshuar rreth 50 urdhër-ndalimi për zyrtarë, ish- zyrtarë dhe ndërtues në zonën e Tiranës.

Mësohet se prej ditës së djeshme në pranga u vunë dy ish- kryetarë komunash, Faik Fejzo që ka drejtuar në vitet 2004-2007 atë të Kasharit dhe Besnik Fuçia, i cili e ka drejtuar po këtë komunë deri në vitin 2015.

Policia arrestoi edhe ish- kryetarin e komunës së Farkës, Fatbardh Plaku, si edhe ish-shefi i urbanistikës në Vorë Luan Beta.

Në dosjen e prokurorisë thuhet se disa nga pallatet që pësuan dëmtime apo u shembën gjatë tërmetit të 26 nëntorit nuk kanë pasur akte kolaudimi, nuk ka pasur studime sizmike.

Gjithashtu probleme ka pasur me numrin e kolonave, cilësinë e hekurit të përdorur, por edhe të betonit./Express

Por cilët janë personat e arrestuar deri tani

Fatbardh Plaku, ish-kryetar i Komunës Farkë

Faik Fejzo, ish- kryetari i Komunës Kashar

Besnik Fuçia, po ashtu ish-kreu i Komunës Kashar

Luan Beta, ish-kreu i Urbanistikës, Vorë

Fejzo Dyrmishi, ndërtues

Stela Maze, arkitekte

Anila Harxhi, arkitekte

Merita Kushi

Bukurije Halili

Ali Dyrmishi