Google ADS

Parandalohet grabitja e një banke në Tiranë, policia zbulon tunele të nëndheshme

14:38 | 22 Shkurt 2022
A. B.

Policia e Shtetit ka njoftuar se ka parandaluar një tentativë për një vjedhje në një bankë të nivelit të dytë në Tiranë.

Sipas njoftimit, banka do të grabitej duke përdorur tunele të nëndheshme.

Shërbimet e Policisë, në bazë të informacioneve të siguruara në rrugë operative, ka zbuluar se në bulevardin “Zogu I” po kryheshin gërmime për hapjen e tuneleve të nëndheshme me qëllim depërtimin në ambientet e brendshme të një banke të nivelit të dytë.

Policia ka njoftuar gjithashtu se janë duke kryer hetime të thelluara me qëllim identifikimin, kapjen e autorëve dhe vënien e tyre para përgjegjësisë.

“Materialet hetimore i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale “Vjedhja e bankave dhe arkave të kursimit” kryer në bashkëpunim”, ka shtuar policia.

Në një video shihen pamjet e tunelit.

Shpërndaje në rrjete sociale

Lajmet më të lexuara

Të ngjashme

Foto lajm