Ka nisur në Gjirokastër, evakuimi i 17 familjeve në pallatin 5-katësh dhe i 3 familjeve në banesën 2-katëshe që ndodhen në lagjen ‘Punëtori’ pasi rrezikohen nga rrëshqitjet e dherave.
Vendimi është firmosur mbrëmjen e së dielës nga kryebashkiakja Zamira Rami, ndërsa familjet e evakuuara janë vendosur në Konviktin e Shkollës së Mesme Pedagogjike deri në një vendim përfundimtar. Bashkia e Gjirokastrër për zbatimin e vendimit kërkon ndihmën e Prefektit dhe Policisë lokale, njofton shqiptarja.com.
Familjet që banojnë në pallatin 5-katësh prej 3 ditësh kanë bërë apel për ndihmë te strukturat lokale dhe qendrore, por vendimi është marrë vetëm mbrëmë.
Deri në momentin që u zhvendosën te Konvikti i Shkollës së Mesme Pedagogjike banorët e pallatit qëndruan në qiell të hapur, pasi nga çarja e tokës dhe rrëshqitja e dherave 5- katëshi rrezikon shembjen.Tmerri për banorët vijon, pasi në pallatin që rrezikohet sot të shembet, u kompensuan të dëmtuarit e 2008, ndërsa prokuroria ka nisur hetimet për rastin./shqiptarja.com/
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...
KFOR-i: Situata në terren është e qetë, por mbetet e brishtë
Policia Bashkiake e Tiranës certifikohet nga kompania e njoh...