Google ADS

Pa pullë fiskale! Bllokohen mbi 1 milion paketa cigare nga India në portin e Durrësit

17:00 | 21 Tetor 2020
Arbresh.info

Autoritetet portuale në Durrës kanë sekuestruar më shumë se 1 milion paketa cigare.

Ka qenë Drejtori i Doganave, Gent Gazheli i cili me anë të një konference për mediat ka thënë se sasia prej 1.050.000 paketa cigare me origjinë nga India ishin pa pullën përkatëse fiskale.

“E gjithë ngarkesa me cigare ishte e papajisur me pullë fiskale të Shqipërisë apo të ndonjë vendi tjetër. Nëse ky mall do të hidhej në treg, vlera e paketave të duhanit të sekuestruar në të dy kontenieret, sipas të dhënave të disponueshme, mbi të cilat janë llogaritur detyrimet doganore, kap shifrën e 168 mijë euro. (Ndërsa detyrimi doganor që duhej të paguhej kap shifrën 164 milion lekë)” tha Gazheli.

Rasti u referua në Prokurorinë pranë Gjykatës së Shkallës së Parë Durrës, për veprën penale, “Kontrabandë me mallra që paguajnë akcizë” të parashikuar nga neni 172 dhe 190/3 të Kodit Penal./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm