Opozita në Shqipëri rikthehet në Kuvend, kërkojnë largimin e Spiropalit

11:10 | 7 Nëntor 2024
K.B

Deputetët e opozitës së Kuvendit të Shqipërisë u rikthyen këtë të enjte në seancë ku do diskutohet buxheti, ndërsa seanca nisi menjëherë me tensione.

Sipas A2 CNN, kryetari i Grupit Parlamentar të PD-së, Gazment Bardhi, në fjalën e tij iu drejtua kryetares së parlamentit Elisa Spiropalit, duke i thënë se duhet të japë dorëheqjen.

Bardhi tha se Spiropali është përfaqësuese e krimit të organizuar. Sipas tij, ajo dhe mazhoranca kanë penguar opozitën që të marrin pjesë në seancë plenare, pa ligj e rregullore.

“Ju duhet të jepni dorëheqje, pasi keni penguar opozitën pa ligj e rregullore, që mos marrë pjesë në seancat plenare. Kjo në kundërshtim me Kushtetutën, në kundërshtim me rregulloren, iu keni vënë deputetëve të opozitës forcat speciale të policisë. Ti zonjë je përfaqësuese e krimit të organizuar, duhet të japësh dorëheqje. Duhet t’ju vijë vetëm turp”, tha Bardhi.

Shpërndaje në rrjete sociale

Lajmet më të lexuara

Të ngjashme

Foto lajm