Operacionet “Sundimi i ligjit” dhe “Tempulli”, Balla: Në 24 orë janë arrestuar dhe proceduar 30 persona

14:22 | 9 Janar 2024
E.K

Ministri i Punëve të Brendshme të Shqipërisë, Taulant Balla, ka njoftuar se vetëm gjatë 24 orëve të fundit janë arrestuar dhe proceduar 30 shtetas nga qytete të ndryshme në vend.

Ai gjithashtu bëri të ditur se gjatë këtij aksioni janë sekuestruar 5 kilogramë lëndë narkotike kanabis, një sasi kokainë, 3 armë zjarri, municon luftarak dhe armë të ftohta.

Postimi i plotë:

30 shtetas të arrestuar/të proceduar gjatë 24 orëve të fundit në Tiranë, Durrës, Fier, Lezhë, Shkodër, Vlorë, Dibër dhe Elbasan.

Janë sekuestruar 5 kilogramë lëndë narkotike kanabis, një sasi kokainë, 3 armë zjarri, municon luftarak dhe armë të ftohta.

Pres rezultate më të mira kryesisht në drejtim të parandalimit të ngjarjeve kriminale, të zbardhjes së atyre të ndodhura më parë, të armëmbajtjes pa leje dhe të shpërndarjes së lëndëve narkotike./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm