Google ADS

Operacion i madh anti-drogë, arrestohen 5 trafikantë shqiptarë

01:24 | 5 Maj 2017
Trina Galanxhi

Njëmbëdhjetë kg marijuhanë e fshehur në një kamper që vinte nga Spanja. Kjo është sasia e drogës sekuestruar nga karabinierët e Milanos në Itali në mars të vitit të shkuar, që çoi më pas në arrestin e disa trafikantëve shqiptarë.

Karabinierët kanë ekzekutuar 19 masa të arrestim me burg të dhëna nga gjykata e Monzas, raportojnë sot mediat italiane.

Në pranga janë vënë 12 italianë, 5 shqiptarë, një rumun dhe një moldave, mes 23 dhe 49 vjeç. Ata konsiderohen anëtarë të një organizate kriminale e angazhuar në trafikun e drogës mes Monzas dhe rrethinave të Milanos.

Aksioni i karabinierëve u zhvillua në provincat: Milano, Monza Brianza, Bergamo, Genova, Nuoro, Pavia, Verbania e Vercelli.

Nëntë persona të tjerë u arrestuan një vit më parë gjatë një aksioni ku u sekuestrua një tjetër sasi droge që i përkiste organizatës kriminale: 16 kg marijuhanë, 1 kg kokainë, si dhe 10 mijë euro.

http://www.dailymotion.com/video/x5ksu0x_droga-nga-spanja-ne-milano-19-te-arrestuar_news

Shpërndaje në rrjete sociale

Lajmet më të lexuara

Të ngjashme

Foto lajm