Google ADS

Operacion antidroge në Tiranë, shkatërrohet rrjeti shpërndarës i drogës me mbi 100 persona

08:52 | 14 Shtator 2023
E.H

Është shkatërruar një rrjet shpërndarësish droge me mbi 100 persona gjatë një operacioni antidrogë në kryeqytetin e Shqipërisë, Tiranë.

Operacioni është ende në vijim, ndërkohë që personat e përfshirë në këtë rrjet, shpërndanin kanabis, kokainë dhe heroinë.

Siç raporton TCH, ky hetim ka nisur muaj më parë, ku policia hetoi lidhjet e personave të arrestuar më herët për shpërndarje dhe zbuloi anëtarët e tjerë. Gjykata ka nxjerrë mbi 100 urdhra ndalimi.

Ky operacion po mbahet në të njëjtën kohë edhe në disa qytete të tjera, ku zbulohet se numri më i lartë i shpërndarëve është në Tiranë.

Policia ka sekuestruar vetëm në Tiranë rreth 3 kg kokainë dhe 15 kg kanabis.

Shpërndaje në rrjete sociale

Lajmet më të lexuara

Të ngjashme

Foto lajm