Me anë të një videoje, ish-zv/kryeministri Erjon Braçe ka ngritur shqetësimin e bllokimit të eksporteve të mallrave bujqësore shqiptare nga pala serbe, e cila duket se nuk po zbaton marrëveshjet e arritur me anë të nismës Open Ballkan, ku parashikon njohjen e analizave të laboratorëve shqiptarë dhe anasjelltas.

Socialisti Braçe ngre shqetësimin se prej ditësh eksportuesit shqiptarë po bllokohen nga pala serbe edhe pse analizat e prodhimeve shqiptare ndalin në rregull, por autoritetet e Serbisë nuk e njohin dhe kryejnë vetë analizat.

“Hapni telefonin, hapni telefonin përgjigjuni eksportuesve, po më kthehet kamioni nga Serbia, janë me mijëra bujq që qëndrojnë pas tyre. Po marr një shqetësim prej disa ditësh po më kthehet kamioni nga Serbia. U kemi thënë eksportuesve tanë se analizat e bëra këtu në Shqipëri me qëllime eksporti do të njihen edhe këtu edhe atje. Nuk po ndodh! Urdhëroni kjo është fletë analiza e vetëm një produkti e bërë këtu në një laborator ku qeveria jonë ka orientuar disa nga eksportuesit tanë. Speci i kuq këtu del i pastër me pesticidet nga analizat në Shqipëri si ka mundësi që te laboratorët në Serbi del ndryshe”, shprehet Braçe.

Ndërkohë që ai paralajmëron se eksportuesit shqiptarë po përballen me rënie të frikshme të pranimit të mallrave shqiptare nga Serbia dhe kjo do të ndikojë në ekonominë e mijëra bujqve shqiptarë. Ai i kërkon shtetit shqiptar se nëse vijon kjo praktikë burokratike të zbatohet reciprociteti me Serbinë.

“Shikoni vetëm ku eksportues ka një rënie të frikshme në tregun serb, nga një 20 kamionë në janar vetëm në dy kamionë në këtë janar. Pas çdo kamioni janë puna e mijëra bujqve, është produkti i tyre, është jeta e tyre. Nëse doni të na nxirrni nga tregu serb na i thoni dhe në të zgjedhim, të jemi reciprok me ta. Nuk mund të jemi kaq në disfavor me ta dhe në rajon, jemi të disfavorizuar me në sistem fiskal dhe në mbështetje buxhetore. Nuk mund të jemi të disfavorizuar për arsye burokratike as fare transparente dhe në eksporte. Ndaj zgjidheni! Hapni telefonin përgjigjuni eksportuesve”, shprehet Braçe në këtë video.

Statusi i plotë në rrjetet sociale

HAPNI TELEFONIN! HAPNI TELEFONAT! PËRGJIGJUNI EKSPORTUESVE, JANE MIJËRA BUJQ PAS TYRE,

ËSHTË PUNA E TYRE, JANË TË ARDHURAT E TYRE!

Po marr një shqetësim të përsëritur prej dy ditësh;

PO MË KTHEHET KAMIONI ME PERIME NGA #SERBIA!

U kemi thënë eksportuesve se analizat e produktit-perimeve e frutave tona, do të njihen dhe atje, në Serbi! Nuk po ndodh!

Nëse speci del këtu thuajse i pastër, shumëfish nën normë, analizuar në laboratorin ku qeveria ka orientuar eksportuesit, si ka mundësi në Serbi del ndryshe?

Shiko, vetëm ky eksportues më thotë që ka një rënie drastike në tregun serb, nga 20 kamionë vjet në janar, në vetëm 2 këtë janar!

Nëse duan të na nxjerrin nga tregu serb, të na i thonë e në të zgjedhim të jemi reciprokë!

NUK MUND TË JEMI PËRJETE TË DISFAVORIZUAR;

Jemi të disfavorizuar në sistemin fiskal, jemi të disfavorizuar në mbështetje buxhetore me ta e me rajonin;

Nuk mund të jemi te disfavorizuar edhe për arsye burokratike e jo transparente edhe në eksporte!

Ndaj, ZGJIDHENI! HAPNI TELEFONAT E PËRGJIGJUNI EKSPORTUESVE!