Një viktimë dhe 25 raste të reja me Covid-19 në Shqipëri

19:43 | 8 Maj 2022
A. B.

Ndërkohë që numri i rasteve të reja me koronavirus vazhdon të shënojë rënie, një tjerë rast me fatalitet është raportuar në 24 orët e fundit në Shqipëri.

Sipas Ministrisë së Shëndetësisë, në 24 orët e fundit ka një humbje jete me Sars-Cov2 një qytetar nga Përmeti 75-vjeç.

Po sipas ministrisë, janë kryer 735 testime nga të cilat 25 qytetarë kanë rezultuar pozitivë me COVID-19, prej tyre më së shumti në Tiranë- 13.

Aktualisht në spitalin COVID3 po marrin trajtim 6 pacientë. Janë 286 qytetarë aktivë me COVID-19 në gjithë vendin dhe 22 të shëruar gjatë 24 orëve të fundit.

Që nga shpërthimi i epidemisë me koronavirus, Shqipëria ka regjistruar 275.366 raste, prej tyre 271.583 janë shëruar, 286 janë aktive, ndërsa betejën me sëmundjen e rrezikshme e kanë humbur 3.497 pacientë.

Shpërndaje në rrjete sociale

Lajmet më të lexuara

Të ngjashme

Foto lajm