Google ADS

Një i vdekur dhe dy të plagosur në Lushnje, makina shkatërrohet pasi del nga rruga

23:30 | 28 Tetor 2019
Arbresh.info

Një aksident i rëndë me pasojë vdekjen e një personi dhe plagosjen e dy të tjerëve ka ndodhur në aksin Lushnje-Fier.

Aksidenti ka ndodhur në vendin e quajtur “Rrethrrotullimi i Kolonjës”, ku mjeti i tipit “DAIMLER CHRYSLER”, me targë AA 277 GN, ka dalë nga rruga duke përfunduar në kanal.

Pasi u dërguan në spitalin e Lushnjes në gjendje të rëndë, një prej personave që ndodhej në makinë ndërroi jetë. Ai është identifikuar si Orges Shabani nga Rroskoveci. Sa i përket dy të plagosurve, ata ndodhen në gjendje të rëndë nën kujdesin e mjekëve.

Shkak i aksidentit mendohet se ka qenë mjegulla e dendur, e cila ka bërë që drejtuesi i mjetit të mos ketë parë rrethrrotullimin.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./tch/

Shpërndaje në rrjete sociale

Lajmet më të lexuara

Të ngjashme

Foto lajm