Një i plagosur nga shpërthimi në pyllin e Pogradecit

23:38 | 1 Gusht 2017
Arbresh.info

Një 57 vjeçar, punëtor i Bashkisë Pogradec, ka mbetur i plagosur si pasojë shpërthimit të një sendi/mjeti shpërthyes gjatë tentativës për shuarjen e flakëve në fshatin Pojskë të Pogradecit.

Policia bën me dije se shtetasi me iniciale A.B ka marrë dëmtime në gjymtyrët e poshtme. Shtetasi i mësipërm u transportua në Spitalin e Pogradecit, për të marrë mjekimin e nevojshëm.

Policia thotë se ende nuk është përcaktuar mjeti shpërthyes dhe për gjetjen e tij do të punohet pas shuarjes së zjarrit, shkruan Ora.

Për shuarjen e zjarrit në masivin pyjor, janë angazhuar forcat zjarrfikëse, shërbimet e Policisë dhe Emergjencat Civile, të cilat ndodhen në terren të vështirë e të thyer, për lokalizimin e flakëve.

Shpërndaje në rrjete sociale

Lajmet më të lexuara

Të ngjashme

Foto lajm