Google ADS

Nisen me vonesë tragetet Durrës-Bari si shkak i stuhisë detare

10:37 | 4 Tetor 2020
Arbresh.info

Dy brigjet e detit Adriatik janë përfshirë nga erëra të forta natën e kaluar. Kjo ka shkaktuar vonesa në nisjen e trageteve nga porti i Durrësit drejt Barit dhe anasjelltas.

Katër tragetet e linjës, respektivisht dy nga Durrësi dhe dy nga Bari kanë mundur të nisin lundrimin vetëm mëngjesin e sotëm, rreth orës 06.00 dhe aktualisht janë në lundrim. Tragetet parashikohet të mbërrijnë në portet e destinacionit pak pas mesditës së sotme.

Kapiteneria e portit të Durrësit njofton se forca e detit në Gjirin e Durrësit arrin në 5 ballë, në det të hapur forca rritet në 6-7 ballë, ndërsa era fryn në drejtimin jug-juglindje. Kjo situatë detare ka pezulluar lundrimet e anijeve të peshkimit dhe anijeve të tjera të vogla, deri në përmirësimin e motit.

Shpërndaje në rrjete sociale

Lajmet më të lexuara

Të ngjashme

Foto lajm