Google ADS

Ndërkombëtarët të shqetësuar me lirimin e Saimir Tahirit, kërkojnë dokumentet e procesit

18:54 | 2 Qershor 2023
Emir Abduramani

Faktori ndërkombëtar ndjek me shqetësim procesin e lirimit nga burgu të ish ministrit të Brendshëm, Saimir Tahiri.

Ndërkombëtarët po ndjekin me shqetësim lirimin e ish-ministrit dhe kërkojnë të njihen me dokumentet e procesit për lirimin e tij.

“Po e ndjekim me shqetësim lirimin e Saimir Tahirit dhe kërkojmë dokumentet e procesit”, thonë burime diplomatike.

Tahiri la sot burgun, për të vazhduar dënimin në “arrest shtëpie”, sipas vendimit të Gjykatës së Elbasanit. Me kërkesë të prokurorit të çështjes Mustafa Turku, gjyqtarja Matilda Fetahu shpalli vendimin për të liruar Tahirin.

Për ish-ministrin janë dy ekspertiza mjeko-ligjore, që arsyetojnë se përse ai nuk mund të qëndrojë në burg për pjesën e mbetur të dënimit. /abcnews.al

Shpërndaje në rrjete sociale

Lajmet më të lexuara

Të ngjashme

Foto lajm