Google ADS

Mushkonjat, sebep për ngordhjen e bagëtive në Myzeqe të Shqipërisë

16:48 | 28 Tetor 2024
E.H

Bagëtitë e imta në disa zona të Myzeqesë të Shqipërisë, veçanërisht në Bishan dhe Povelçë, janë përballur me një dukuri të pazakontë që po sjell ngordhjen e deleve, por edhe të qengjave të sapolindur,

Vetë barinjtë dhe blegtorët tregojnë se kjo vjen si pasojë e mungesës së dezinsektimit të zonës dhe pranisë së kolonive të mushkonjave që po përhapin këtë lloj infeksioni me pasoja të rënda për blegtorët, edhe pse ata shprehen se kanë kryer vaksinimin e tufave, raporton A2 CNN.

Problem për blegtorët është edhe mungesa e vaksinës së brucelozës për të imtat, edhe pse drejtuesit e drejtorisë rajonale të bujqësisë u kanë premtuar disa herë se vaksina do të vijë së shpejti. Vetëm në zonat e Bishanit dhe Povelçës, janë të regjistruara mbi 3 mijë krerë të imta, që mbahen në 15 stane.

Shpërndaje në rrjete sociale

Lajmet më të lexuara

Të ngjashme

Foto lajm