MPJ e Shqipërisë dënon përdorimin e armëve kimike në Siri

19:16 | 5 Prill 2017
Arbresh.info

Ministria e Punëve të Jashtme e Shqipërisë dënon përdorimin e armëve kimike në Siri.

Me anë të një deklarate për mediat, MPJ thekson, se “dënon me forcë sulmin me armë kimike në Siri, kundër civilëve të pafajshëm, përfshirë gra dhe fëmijë”.

“Ky akt monstruoz përbën dhunim të Konventës mbi Armët Kimike (CËC) dhe një tjetër veprim të pa tolerueshëm në konfliktin tashmë gjashtë vjeçar në Siri”, shton MPJ.

MPJ mbështet përpjekjet për një hetim ndërkombëtar të menjëhershëm në mënyrë që autorët të vihen para përgjegjësisë.

MPJ thekson se ndalimi i armiqësive dhe arritja e një zgjidhjeje politike, janë rruga e vetme për t’i dhënë fund konfliktit në Siri dhe pasojave katastrofale të tij.

Shpërndaje në rrjete sociale

Lajmet më të lexuara

Të ngjashme

Foto lajm