Misteri i vdekjes së avokatit shqiptar në Itali, flasin miqtë: Nuk rezervohej për njerëzit në nevojë

00:34 | 23 Prill 2022
Trina Galanxhi

Vazhdon të mbetet mister vdekja e avokatit shqiptar Aineo Redo në Itali.

Pas verifikimit se trupi i pajetë i përkiste pikërisht Redos, policia ka filluar të marrë dëshmitë e parë

“Ishte një njeri shumë i mirë, që u shpenzua pa rezerva për njerëzit në nevojë”, kështu e kujtojnë kolegët dhe miqtë. Aineo Redo, avokati 49-vjeçar me origjinë shqiptare, emigroi nga Shqipëria dhe mbërriti në Reggio me shumë sakrifica.

Mëngjesin e djeshëm trupi i tij u gjet nga një kalimtar nën galerinë e bankës BNL në Via Emilia Santo Stefano. Aineo Redo, Enea për miqtë, la pas gruan dhe dy fëmijët, 9 dhe 18 vjeç.

Vdekja është ende e mistershme pasi avokati u gjet me të prera në fyt dhe me një thikë në dorë. Nuk dihet ende nëse kemi të bëjmë me një vrasje apo vetëvrasje.

Pista e parë e hetuesve është vetëvrasja. Por këto janë vetëm dyshimet e para ndërsa aktualisht po hetohet edhe pista e vrasjes./gsh/

Shpërndaje në rrjete sociale

Lajmet më të lexuara

Të ngjashme

Foto lajm