Në Kuvendin e Kosovës është miratuar sot projektligji për hekurudhën Durrës-Prishtinë. Pak minuta pas miratimit, ka reaguar ministri i Infrastrukturës, Liburn Aliu.
Ai ka dhënë detaje për nisjen e kësaj rruge, koston dhe qëllimin e madh.
Sipas tij, kosto totale për realizimin e Studimit te Fizibilitetit dhe hartimit të Projekt – Idesë për ndërtimin e linjës hekurudhore Shqipëri – Kosovë, parashikohet të jetë rreth 1,980,000 (një milion e nëntëqind e tetëdhjetë mijë) Euro.
Postimi i plotë:
Qytetarë të nderuar,
Sapo u miratua projektligji për hekurudhën Durrës-Prishtinë.
Sot, në Kuvendin e Republikës së Kosovës u miratua Projektligji për Marrëveshjen e Bashkëfinancimit për Studimin e Fizibilitetit për linjën hekurudhore Durrës-Prishtinë. 🇦🇱🛤️🇽🇰
Qëllimi i këtij projektligji është përcaktimi i procedurave dhe ndarja e kostove në mes dy vendeve për financimin, studimin e fizibilitetit dhe projektit për linjën hekurudhore.
Kosto totale për realizimin e Studimit te Fizibilitetit dhe hartimit të Projekt – Idesë për ndërtimin e linjës hekurudhore Shqipëri – Kosovë, parashikohet të jetë rreth 1,980,000 (një milion e nëntëqind e tetëdhjetë mijë) Euro.
Ministria e Infrastrukturës dhe Energjisë së Republikës së Shqipërisë do të ndaj shumën prej 1,000,000 (një milion) Euro, ose rreth 51% të kostos totale, ndërsa Ministria e Mjedisit, Planifikimit Hapësinor dhe Infrastrukturës së Republikës së Kosovës do të ndaj shumën prej 980,000 (nëntëqind e tetëdhjetë mijë) Euro, ose 49% të kostos totale.
Kjo kosto është parashikuar në buxhetin e vitit 2022 të Ministrisë së Mjedisit, Planifikimit Hapësinor dhe me autorizim të Qeverisë së Republikës së Kosovës do të barten në buxhetin e Ministrisë së Infrastrukturës dhe Energjisë së Republikës së Shqipërisë, për bashkëfinancimin e realizimit të projektit./arbresh.info/
“Hajde pimë kafe, mos e keni ftohtë”, Kajtazi tregon se si e...
Akuza e Harrisit: Trump, si Hitleri, me gjeneralët e ushtris...
Porosia e Buzhalës për shefin e AKI-së: Nuk na tutni, rrini ...
Kajtazi: Në AKI ekziston struktura paralele që i shërben pus...
Krasniqi: Bedri Hamza është kryeministri më i mirë që Kosova...
Ukrainë thotë ushtarët koreanoveriorë janë zhvendosur në Kur...