Presidenti i Republikës, Ilir Meta pranoi Letrat Kredenciale nga Ambasadori i ri i Indisë në vendin tonë, Thanglura Darlong, me rezidencë në Bukuresht.
Presidenti Meta vlerësoi marrëdhëniet miqësore e të bashkëpunimit midis Shqipërisë dhe Indisë, si dhe lidhjen e fortë që Nënë Tereza krijoi midis dy vendeve.
Duke iu referuar zhvillimeve në rajonin e Ballkanit Perëndimor, Presidenti Meta nënvizoi se një rishikim i pozicionit të Indisë ndaj njohjes së pavarësisë së Kosovës do të ishte një kontribut i drejtpërdrejtë për forcimin e paqes dhe stabilitetit në këtë rajon.
Kreu i shtetit nënvizoi nevojën e rritjes së bashkëpunimit ekonomik dhe tregtar, si dhe të kontakteve të drejtpërdrejta mes sipërmarrësve dhe qytetarëve të të dy vendeve.
Gjetja e mekanizmave praktike për lehtësimin e regjimit të vizave dhe lëvizjes së sipërmarrësve dhe qytetarëve të të dy vendeve do të ndihmonte shumë në këtë drejtim, – theksoi Presidenti Meta./Ora News.tv
Gjithçka gati për ceremoninë e Topit të Artë – aty ku i nomi...
Siguria kombëtare, Biden nënshkruan direktivën mbi përdorimi...
Në Shqipëri moti me kthjellime dhe vranesira mesatare
Prishtina sot në ditë zie, mbahet mbledhje Komemorative për ...
Sindikata e Policisë së Kosovës organizon lojëra sportive në...
Moti sot me diell dhe vranësira të shpërndara